،، غـريـبـة ،،. أصعب اللحظات لاخان الحبيب .،،
غريبة..!!
وش بقى بهالزمن شيئ مو غريب.. كل شي صار غريب.. حتى مع نفسك احيانا ً تحس انك غريب..!!
اليوم جايب لكم قصيدة للشاعر سلطان المسلم..
اتمنى تعجبكم
غــريـبـة
غريبه..
أصعب اللحظات لاخان الحبيب..
تتعذب بدنياك..وماتلقى طبيب..
جتني وشفت الموت في ذاك الجسد..
كن الخيانه صوت ناداني ونشد..
تمالكت أنا أعصابي وحبل الحب ذابي..
نشدتها عن حالها..؟؟
قالتلي ذا أمر قديم..
وتركتها في حالها تبكي ودمعتها تهيم..
تمنيتها تحكي ولو كذبه وأصدقها..
طلبتها تشكي بواسيها وأصبرها..
أحايلها تقول أسف أبي عذر يقربها..
خلقت أعذار من عندي ولا به عذر يعذرها..
غريبه ما تساعدني تغالطني وأكذبها..
تقول إني أبد ماخنت وروحي لا تعذبها..
شعور بداخلي صادق.. يخيل لي أفارقها..
أحسه منكوي حاقد.. يطالبني أعذبها..
وغروب الشمس يتعبني وذا وقت أقابلها..
أحن و لو تكلمني أحس بشوق يقتلها..
ترجاني وأكذبها..وأعاتبها بدون شعور..
وتمنتني أصدقها..وأثر شكي بنى له سور..
عمى عيني وعذبها..وتبكي بخاطر مكسور..
ظلمني حبك القاسي..وأحبك رغم هرج الزور..
ظلمتك لا تلوميني..ظنوني قد ذبحها الأمس..
خذيتك من عيون الشمس.. دخيلك لا تحرقيني..
تحملت العنا والخوف لجل قربك يهنيني..
أنا من هو يحب بصمت رجيتك..
لا تخونيني..
........
....
..
.
صح لسانه..
الأربعاء ديسمبر 26, 2007 3:24 am